"Bavariya" yarim himoyachisi Jamol Musiala Germaniya terma jamoasiga yaqin o‘rtadagi o‘yinlarida yordam bermaydi. Bu haqda myunxenliklar jamoasi matbuot xizmati xabar berdi.
Qayd etilishicha, futbolchi bel qismidagi jarohatdan tiklanishda davom etmoqda, shu sababli u terma jamoa joylashgan joyga kela olmaydi.
20 yoshli yarim himoyachi Germaniya terma jamoasi safida 23 ta o‘yin o‘tkazib, bitta gol urgan va 3 ta golli uzatmani amalga oshirgan.
9 sentyabr kuni Germaniya terma jamoasi Yaponiyaga qarshi o‘rtoqlik o‘yini o‘tkazsa, 12 sentyabr kuni sinov-nazorat o‘yini doirasida Fransiyaga qarshi maydonga tushadi.
