"Наполи" ярим ҳимоячиси Хвича Кварацхелия ўтган ёзда ёшлар ўртасидаги Европа чемпионатида Грузия терма жамоаси сафида майдонга тушмади. 22 ёшли футболчи бу ҳақда ўз фикрлари билан ўртоқлашди.
"Ёшлар жамоасидан ҳеч ким мендан Европа чемпионатини ўтказиб юборганим учун хафа бўлмади. Мен жуда чарчаганимни айтдим. Қолаверса, ёшлар терма жамоамиз аллақачон ўйнаб бўлганди ва мен фақат ҳалақит қилишим мумкин эди. "Наполи"дан ҳеч қандай босим бўлмади", - деди Кварацхелия Россиянинг "Чемпионат" сайтига.
Эслатиб ўтамиз, бир кун аввал Хвича Кварацхелия "Олтин тўп"га номзод бўлганди.
Ёшлар ўртасида ўтказилган Европа чемпионатида Грузия терма жамоаси ўз гуруҳида биринчи ўринни эгаллади. Бироқ чорак финалда грузияликлар Исроилга голсиз дурангдан кейин пенальтилар сериясида мағлуб бўлишди.
