La Gazzetta dello Sport нашри "Рома" тарихидаги энг яхши мураббийлар рўйхатини А Серия ўйинларида очко тўплаш (PPG) бўйича тузди. "Бўрилар"нинг амалдаги бош мураббийи Жозе Моуриньо ҳайратланарли даражада паст ўринни эгаллади.
Моуриньо "Рома"ни бошқарганидан бери клубнинг А Сериядаги натижалари қуйидагича: 79 учрашувда 36 ғалаба, 19 дуранг ва 24 мағлубият. Бу натижалар ҳар бир ўйин учун 1,61 очко кўрсаткичига тўғри келади, бу клуб 1927 йилда ташкил этилганидан бери барча Рим клубини бошқармаган мураббийлар орасида 13-ўриндир.
Италия терма жамоаси бош мураббийи Лучано Спаллетти А Серияда ўртача икки очко жамғарган ва рейтингда пешқадамлик қилмоқда. Спалеттидан бир оз пастроқда "Наполи" бош мураббийи Руди Гарсия ҳар бир ўйинда 1,99 очко тўплаган. Клаудио Раньери 1,93 очко билан учинчи ўринда.
Тўртинчидан 10-ўринга қадар мураббийлар рўйхатидан Эйсебио Ди Франческо, Фабио Капелло, Хуберт Бургесс, Пауло Фонсека, Луис Карнилья, Свен-Йоран Эриксен ва Лахос Ковачлар жой олган.
