"Ливерпуль" ярим ҳимоячиси Тьяго Алькантара "Барселона"га қайтиши мумкин.
32 ёшли футболчининг Каталония клубига ўтиши ўтган ёзда қизғин муҳокама қилинган, бироқ у аниқ маълумотларга тўғри келмади - ярим ҳимоячи Англияда қолди. Алькантара келаси ёздаёқ эркин агентга айланиши мумкин, чунки унинг "Ливерпуль" билан амалдаги шартномаси мавсум охирида тугайди. Mundo Deportivo хабарига кўра, "Барселона" Тьягога даъвогарлар қаторида қолмоқда, агар у мерсисайдликлар билан шартномани узайтирмаса, каталонияликлар ўз тарбияланувчисини таркибга таклиф қилиши мумкин.
Тьяго Алькантара 2013 йилда "кўк-анорранглилар" сафини тарк этганди. Испаниялик футболчи 2020 йилдан бери “Ливерпуль” шарафини ҳимоя қилиб келмоқда.
