Мураббий Рауль Гонсалес тез орада "Вильярреал"ни бошқариши мумкин.
Ҳозирда "Реал" иккинчи жамоасида бош мураббий бўлиб ишлаётган 46 ёшли испаниялик "сариқ сувости кемаси" раҳбарияти билан музокара ўтказиш учун "Қироллик клуби"дан аллақачон рухсат олган. Журналист Марио Кортехана хабарига кўра, мутахассис жума куни "Вильярреал" вакиллари билан учрашади. Афсонавий собиқ форвард бу лавозимга асосий номзод сифатида кўрилмоқда, аммо якуний қарор ҳали қабул қилинмаган.
Эслатиб ўтамиз, "Вильярреал" ҳафта бошида Кике Сетьенни истеъфога чиқарганди.
