«Барселона» ярим ҳимоячиси Илкай Гюндоган Германия терма жамоаси сардори этиб тайинланди.

«Мен сардорлик боғичини Гюндоганга беришга қарор қилдим. У Йозуа Киммих билан етакчига айланади. Иккаласи ҳам шундай масъулиятни олганидан жуда хурсандман. Бу уларга кўпроқ куч беради», - деди Германия бош мураббийи Ханси Флик матбуот анжуманида.

Аввалроқ Германия терма жамоаси сардори «Бавария» дарвозабони Мануэль Нойер эди, у ўтган йилдан бери жароҳати сабаб майдонга тушмаяпти.

Гюндоган миллий терма жамоа сафида 67 та учрашувда 17 та гол урган. 32 ёшли ярим ҳимоячи ёзги трансфер ойнасида «Манчестер Сити»дан «Барселона»га кўчиб ўтди.