«Челси» ярим ҳимоячиси Ромео Лавия машғулотларда жароҳат олди. Бу ҳақда журналист Саша Тавольери хабар бермоқда.
Манбанинг хабарига кўра, 19 ёшли бельгиялик футболчининг тўпиғи йиртилгани ҳақида хабарлар бор.
Эслатиб ўтамиз, Лавия ўтган ёзда «Саутгемптон»дан 62,1 миллион евро эвазига «Челси»га ўтган эди. Футболчи ҳалигача «кўклар» сафида бирорта расмий ўйин ўтказмаган.
АПЛнинг тўрт туридан сўнг «Челси» 4 очко билан турнир жадвалида 12-ўринда бормоқда. Лондонликлар навбатдаги ўйинни 17 сентябрь куни «Борнмут»га қарши ўтказади.
Ушбу учрашув Тошкент вақти билан соат 16:00 да бошланиши режалаштирилган.
