Жорий мавсум бошланишидан олдин жамоа сардори этиб тайинланган «Челси» ҳимоячиси Рис Жеймс «Ливерпул»га қарши АПЛ 1-тур учрашувида жароҳат олди.
Сўнгги йилларда Жеймс тез-тез касалхонага ётқизилган, бу эса унинг мухлислари учун яхши янгилик эмас.
Бироқ, 23 ёшли футболчи ўз ҳолати ҳақида ижобийлигича қолмоқда. Ижтимоий тармоқларда Рис табассум билан тушган суратини жойлаштирди.
«Тез орада қайтаман», деб ёзган Жеймс суратга.
АПЛнинг ўтган тўрт турида «Челси» бор-йўғи тўрт очкони қўлга кирита олди. Жамоа ҳозирда турнир жадвалида 12-ўринда бормоқда.
