Машҳур Клаудио Раньери фаолияти давомида Италиянинг турли клубларида ишлашга муваффақ бўлган, аммо "Милан" улар орасида йўқ. У 90-йилларда бу клубда ишлаш имконига эга бўлганини, 1991 йилда Арриго Сакки ўрнини эгаллаши мумкинлигини айтди.
"Милан" мени хоҳларди, лекин кейин мен "Кальяри"дан кейин "Наполи"ни танладим. Жорий мавсумда "Милан" жиддий кучайди, Лофтус-Чикдек футболчи - тўп унинг оёғида бўлса, уни тортиб олиш қийин. Аммо скудетто учун курашда мен “Наполи”, “Лацио” ва, албатта, еврокубокларсиз “Ювентус”ни эсдан чиқармайман – баҳорга келиб бу жиддий омил бўлади”, — дея Раньерининг сўзларини келтиради pianetamilan.it.
