Испания терма жамоаси бош мураббийи Луис де ла Фуэнте Евро-2024 саралаши доирасидаги Грузия устидан қозонилган ғалаба (7:1) ҳақида фикр билдирди.

“Бу ажойиб ғалаба. Мен учун буларнинг барчаси натижа қандай бўлишидан қатъий назар, сифат устида ишлаш керак, деган нуқтаи назардан таҳлил қилиниши керак. Футболчилардан хурсандман. Мен ўйинчиларни мотивация қилиш ва уларга яхши ўйнаш ва ғалаба қозониш учун керакли воситаларни бериш ҳақида қайғураман. Футболчиларнинг қўллаб-қувватлаши туфайли ўзимни кучли ҳис қиляпман", - дея Фуэнтенинг сўзларини келтиради AS.