"Манчестер Сити" ҳужумчиси Эрлинг Холанддан Лионель Месси ва Криштиану Роналду даври тугаганидан кейин Килиан Мбаппе билан рақобат ҳақида сўрашди.
“Ҳамма бу ҳақда ўйлаётганга ўхшайди. Лекин эҳтиёт бўлиш керак - Месси ва Роналду ақл бовар қилмайдиган ишларни қилишди. Шуни ёдда тутишимиз керакки, улар бугунги кунда ҳам шундай қилишмоқда. Улар ёши катта бўлса ҳам, фантастик футболчилар.
Саволингизга қайтадиган бўлсам, мен ҳеч қачон ўзимни бошқа ўйинчиларга қарши қўймайман. Мен бундай нарсаларни кўрмаяпман. Мен фақат ўзимга эътибор қаратаман ва кундан-кунга яхшироқ бўлишга интиламан”, деди Холанд France Football нашрига берган интервьюсида.
