"Реал" футболчиси Дани Карвахаль "Сельта" футболчиси Габри Вейганинг Испания чемпионатини тарк этиб, Саудия Арабистони клубига ўтиш ҳақидаги қарорига изоҳ берди.
“Ал-Аҳли”нинг саховатли таклифига васвасага тушган Вейга танқидлар нишонига айланди – кўпчиликнинг фикрича, “Реал” ҳам қизиққан умидли футболчи Европадаги фаолиятига нуқта қўйди. Хусусан, Вейганинг танлови “Лос-Бланкос” фахрийси Тони Кроос томонидан танқид қилинди, аммо Карвахаль ёш футболчининг бу қарорини тушунишга чақирди.
“У 21 ёшда эди. Бундай фойдали таклифни олганингизда танлов қилиш қанчалик қийинлигини жуда яхши тушунаман. Германияга борганимда беш йиллик шартнома туздим ва биринчи қилган ишим ота-онамга уй сотиб олиш бўлди. Мен камбағал ҳудуддан келганман, шунинг учун унинг қарорини тушунаман", - дея Карвахалнинг сўзларини келтиради AS.
