Андорра терма жамоаси ҳимоячиси Ильдефонс Лима ўзининг ижтимоий тармоқларида футболчилик фаолиятини якунлаганини маълум қилди.
Кеча, 9 сентябрь куни футболчи Андорра ва Беларус терма жамоалари ўртасидаги 2024 йилги Европа чемпионати саралаш баҳсида (0:0) захирадан майдонга тушди. Лима иккинчи бўлимга қўшиб берилган вақтнинг тўртинчи дақиқасида майдонга тушди.
43 ёшли футболчи Швейцария термасига қарши баҳсда майдонга тушишини, бу ҳимоячи учун охиргиси бўлишини таъкидлади. Учрашув 12 сентябрь куни бўлиб ўтади.
Лима илк бор 1997 йилда Андорра терма жамоасида ўйнаган. У терма жамоа сафида жами 136та ўйин ўтказиб, 11та гол урган. У жамоа тарихидаги энг яхши тўпурар ҳисобланади.
