Украина терма жамоаси ҳимоячиси Александр Зинченко Лондоннинг “Арсенал” клубига қандай ўтганини эслади.
“Менинг уйимга Микель Артета келди. Клуб лойиҳаси, менинг майдондаги позициям ва бошқа кўп нарсалар ҳақида суҳбатлашдик. Суҳбат чоғида эшик қўнғироғи жиринглади ва унинг орқасида Габриэль Жезус бор эди. Бу махфий агент эди", - деди украиналик ҳимоячи.
Эслатиб ўтамиз, Александр ўтган ёзда "Манчестер Сити"дан "Арсенал"га ўтган эди. Ҳимоячи ва "канонирлар" ўртасидаги меҳнат шартномаси 2026 йилнинг ўрталарига қадар тузилган.
Премьер-лиганинг жорий мавсумида Зинченко учта ўйин ўтказган.
