Мадриднинг “Атлетико” клуби ҳужумчиси Мемфис Депай Неймарнинг сўнгги ютуқлари ҳақида фикр билдирди.
Ўтган ойдан бери Саудия Арабистонининг “Ал-Ҳилол” жамоасида тўп тепаётган 31 ёшли футболчи Боливияга қарши ўйинда (5:1) Бразилия терма жамоаси сафидаги 78 ва 79-голларини киритиб, “Пентакампеонлар” тарихидаги энг яхши тўпурарга айланди. Аввалги рекордчи Пеле бўлиб, у 77 марта рақиблар дарвозасини ишғол қилган.
“Табриклайман, ака. Сиз буни қилдингиз. Бразилия терма жамоаси тарихидаги энг яхши тўпурар. Сиз мени доим ўйинингиз ва унга бўлган ёндашувингиз билан илҳомлантиргансиз, энди эса янада илҳомлантирасиз. Ишончим комилки, бутун Бразилия сиз билан фахрланади”, — деб ёзди Депай ижтимоий тармоқларда.
