"ПСЖ" ярим ҳимоячиси Марко Верратти фаолиятини бошқа топ-клубда давом эттириши мумкин эди.
30 ёшли футболчи жорий мавсум бошланишидан олдин парижликларни қабул қилиб олган Луис Энрикенинг режаларига тўғри келмади. "ПСЖ" италияликни қўйиб юборишга тайёр эди ва ўтган ёзда унга "Бавария", "Челси" ва "Барселона" қизиқиш билдиришди, деб хабар беради L'Equipe. Ҳар учала ҳолатда ҳам гап ижара масаласи бўлиб, фақат ярим ҳимоячини тўлиқ сотишни ўйлаётган француз гранди раҳбариятига тўғри келмади.
Яқин орада Марко Верратти Қатарнинг "Ал-Арабий" жамоасига ўтади. Трансфер нархи тахминан 40 миллион еврони ташкил қилади.
