Шартнома муддати 2014 йилгача тузилган "Арсенал" бош мураббийи Арсен Венгер ўз жамоасининг ёмон стартига қарамай, клубни тарк этмаслигини маълум қилди.
"Сизлар ҳар доим келажагим тўғрисида сўрайсизлар, бунга фақат битта жавоб беришим мумкин: "Мен ҳар доим амалдаги шартномамни ҳурмат қилиб келганман. Аҳволни ўнглаш кераклигини ва муаммолар ечимини топиш кераклигини биламан", - дейди Венгер.
Эслатиб ўтамиз, "Арсенал" Англия чемпионатининг 15-туридан сўнг 10-ўринда бормоқда ва пешқадам "Манчестер Юнайтед"дан 15 очко кам тўплаган.