Англия терма жамоаси бош мураббийи Гарет Саутгейт "Манчестер Сити" ҳимоячиси Кайл Уокерни терма жамоани тарк этишдан қандай қайтаргани ҳақида гапирди.
"Мен Кайлни икки марта терма жамоани тарк этиш ҳақидаги фикридан қайтарганман. Бу Европа ва жаҳон чемпионатларидан кейин содир бўлди. Менимча, у қолганидан афсусланмади. Уокер ўз позициясида жаҳон даражасидаги футболчи. Кайл биз учун қанчалик муҳимлигини англамаган бўлса керак", - деди Саутгейт Goal.com порталига.
Уокер 2011 йилдан бери миллий терма жамоа шарафини ҳимоя қилиб келади. Умуман олганда, ҳимоячи миллий терма жамоа сафида 77 та ўйинда қатнашиб, битта гол ва тўққизта голли узатмани амалга оширди.
