"Челси"нинг таянч ярим ҳимоячиси Лесли Угочукву ёзда "Страсбург"га ижарага ўтиш вариантини кўриб чиқмаганини тан олди.

Эслатиб ўтамиз, франциялик футболчининг “Ренн”дан трансферидан сўнг “Челси” раҳбарияти 19 ёшли футболчини бир мавсум учун "Страсбург"га жўнатмоқчи экани ҳақида хабарлар тарқалган эди.

"Мен ҳеч қачон "Страсбург"га ижарага бориш масаласини муҳокама қилмаганман. Албатта, мен бу миш-мишларни эшитдим, лекин бу ҳеч қачон муҳокама мавзуси бўлмаган. Мавсум олдидан менда ўзимни кўрсатиш ғояси бор эди. Агар мураббийга керак бўлса, бутун мавсум давомида "Челси"да қолишимга умид қилгандим", - деди Лесли Угочукву.