"Манчестер Сити" бош мураббийи Роберто Манчини Дортмунднинг "Боруссия" клуби билан ўйин олдидан ўтказилган матбуот анжуманида ўз жамоаси билан Европа лигасида қатнашишни кўзлаётганини маълум қилди.
"Европа лигасидаги ўйинлар пайшанба кунлари бўлиб ўтади, бу бироз ноқулайроқ. Шунга қарамай, бу мусобақада қатнашиш учун қўлимиздан келган барча ишларни қиламиз, кейин эса узоқроққа боришга ҳаракат қиламиз.
Чемпионлар лигасининг кейинги босқичига ўта олмаганимиздан хафамиз. Аммо ўзингиздан кучли жамоаларга дуч келганингизда бу қийин, буни ҳурмат қилиш керак. Тан олиш керакки, "Боруссия" ва "Реал" биздан кўра кучли ўйнадилар, кучимизни кейинги мавсумда синаб кўрамиз", - дея Италиялик мутахассиснинг сўзларини келтиради УЕФА расмий сайти.
