Франция терма жамоаси ҳужумчиси Антуан Гризманн Дортмунддаги ўртоқлик ўйини олдидан Германия терма жамоасидаги ўзининг севимли футболчиларини номлади.

“Менга Флориан Виртц жуда ёқади. Менимча, у таъсирчан даражада ўйнаяпти. Менга шунингдек Жошуа Киммихнинг ўйини ҳам ёқади. У худди немис жамоасининг генералига ўхшайди. У ҳамма нарсани яхши қилади. Ўнгда ёки марказда ўйнаши мумкин. Жошуа бу жамоанинг етакчиси”, - деди “Атлетико” футболчиси ўйинолди матбуот анжуманида.

12 сентябрь, сешанба куни Германия ва Франция терма жамоалари ўртасида ўртоқлик учрашуви бўлиб ўтади. Ушбу учрашув олдидан немислар Ханс-Дитер Флик истеъфога чиқарилгач, бош мураббийсиз қолишди.