"Қизил иблислар" билан шартномаси тугаганидан кейин эркин агент бўлган "Манчестер Юнайтед"нинг собиқ дарвозабони Давид де Хеа Испания чемпионатига ўтиши мумкин.
Todofichajes хабарига кўра, "Валенсия" тажрибали дарвозабонни ўз сафига қўшиб олмоқчи. “Кўршапалаклар” Де Хеани Европанинг топ клубларидан қизиқиш билдираётган грузиялик Гиорги Мамардашвилига ўринбосар сифатида кўришмоқда.
Де Хеа 2011 йилдан 2023 йилгача "Манчестер Юнайтед"да ўйнаган. Ўтган мавсумда 32 ёшли испаниялик футболчи Англия премьер-лигасида 38 та ўйин ўтказиб, ўз дарвозасидан 43 та гол ўтказиб юборган.
