"Тоттенхэм"нинг собиқ футболчиси Алан Хаттон дарвозабон Уго Льориснинг ҳолати ҳақида гапирди.
36 ёшли франциялик футболчи "шпорлар" қайдномасидан ўчирилди ва трансферга қўйилди, бироқ у бир қанча таклифларни рад этиб, ўзига янги клуб топа олмади.
"Тоттенхэм" шартномасини бузмоқчи ва маошининг қолган қисмини тўламоқчи эмаслигига ишончим комил эмас. Бу ҳолат менга жуда ғалати туюлади, лекин мен ҳукм қила олмайман, чунки клуб ичида нима бўлаётганини билмайман. Льорис узоқ вақт сардорлик қилди ва ажойиб ўйин кўрсатди. Кейин нима бўлишини кўрамиз", - дея Хаттон сўзларини келтиради Football Insider.
Уго Льориснинг Лондон клуби билан шартномаси келаси йилнинг ўрталаригача амал қилади.
