Мюнхеннинг “Бавария” клуби вингери Лерой Сане Германия терма жамоасида Юлиан Нагельсманн билан қайта учрашиши мумкинлиги ҳақида гапирди.
Германия терма жамоасининг собиқ бош мураббийи Ханс-Дитер Флик ўртоқлик учрашувида Япония термасига имкониятни бой бериб (1:4) ўз лавозимини тарк этди. Март ойида "Бавария"дан четлатилганидан бери ишсиз юрган Нагельсманн бўш ўрин учун асосий номзодлардан бири саналади.
"Юлиан - сифатли мураббий. Кўрамиз, у Германия терма жамоасини бошқаришни хоҳлайдими? Уни бу ерда кўриш ва яна у билан ишлаш яхши бўларди”, - деди Сане.
Сешанба куни Германия терма жамоаси вақтинчалик бошқарувчи Руди Фёллер бошчилигида Франция терма жамоаси устидан ўртоқлик ўйинида (2:1) ғалаба қозонди.
