"Реал Мадрид" ва Австрия терма жамоаси ҳимоячиси Давид Алаба "Манчестер Юнайтед"нинг трансфер мақсади бўлиб қолмоқда, дея хабар бермоқда Todofichajes нашри.

Манбага маълум бўлишича, "манкунианликлар" раҳбарияти январь ойидаги трансфер ойнасида 31 ёшли футболчининг трансферини расмийлаштиришни режалаштирмоқда. Дастлабки нархи 40 миллион евродан бошланади. Алаба "қироллик клуби" билан 2026 йилнинг июнь ойи охиригача шартнома имзолаган. У 2021 йилнинг ёзидан буён "Реал"да ўйнамоқда.

Жорий Испания чемпионатида Давид тўртта ўйин ўтказиб, битта голли узатмани амалга оширди ва битта сариқ карточка олди.