«Манчестер Юнайтед» ярим ҳимоячиси Кристиан Эриксен ўз позициясини «ўнлик»дан «саккизлик»га қандай ўзгартиргани ҳақида гапирди.

Эслатиб ўтамиз, даниялик «манкунианликлар» учун «Тоттенхэм»дагига қараганда бироз чуқурроқ ўйнайди.

«Позициямнинг ўзгаришими? Бу табиий равишда содир бўлди. Ҳаммаси ўзимни Италияда топганимдан бошланди.

«Интер»да Антонио Конте мендан бироз чуқурроқ ўйнашимни сўради. Мен янги ролда ўйнашдан завқлана бошладим.

«Манчестер Юнайтед»га ўтганимда ҳаммаси ўша-ўша эди», - дея Эриксен сўзларини келтирмоқда «Манчестер Юнайтед» расмий сайти.

31 ёшли Эриксен жорий мавсумда Англия Премьер-лигасининг тўртта ўйинида майдонга тушиб, бир гол ва бир голли узатмани амалга оширди.