«Manchester Yunayted» yarim himoyachisi Kristian Eriksen o‘z pozisiyasini «o‘nlik»dan «sakkizlik»ga qanday o‘zgartirgani haqida gapirdi.
Eslatib o‘tamiz, daniyalik «mankunianliklar» uchun «Tottenxem»dagiga qaraganda biroz chuqurroq o‘ynaydi.
«Pozisiyamning o‘zgarishimi? Bu tabiiy ravishda sodir bo‘ldi. Hammasi o‘zimni Italiyada topganimdan boshlandi.
«Inter»da Antonio Konte mendan biroz chuqurroq o‘ynashimni so‘radi. Men yangi rolda o‘ynashdan zavqlana boshladim.
«Manchester Yunayted»ga o‘tganimda hammasi o‘sha-o‘sha edi», - deya Eriksen so‘zlarini keltirmoqda «Manchester Yunayted» rasmiy sayti.
31 yoshli Eriksen joriy mavsumda Angliya Premyer-ligasining to‘rtta o‘yinida maydonga tushib, bir gol va bir golli uzatmani amalga oshirdi.
