«Унион Берлин» клуби марказий ҳимоячиси Леонардо Бонуччи Туриннинг «Ювентус» клубини тарк этиши тафсилотларини ошкор қилди.

Эслатиб ўтамиз, «Кекса синёра»нинг собиқ сардори ёзда жамоа лойиҳасида эмаслигини билган эди.

«13 июль куни «Ювентус» раҳбарияти менга режаларга киритилмаганлигим ҳақида хабар берди. Буларнинг барчаси газеталарда кўплаб миш-мишларни ўқиганимдан кейин содир бўлди.

«Ювентус»да ҳеч қачон бундай хўрланмаганман. Бу жамоа сафида 500 дан ортиқ ўйин ўтказганимдан кейин содир бўлди», - дея Бонуччининг сўзларини келтиради журналист Фабрицио Романо.

Бонуччи «Ювентус»даги фаолияти давомида 8 марта Италия чемпионлигини қўлга киритди.