Таниқли мутахассис Стив Брюс яқин келажакда Ирландия терма жамоасини бошқариши мумкин.

Irish Mirror нашрининг ёзишича, “Астон Вилла”, “Ньюкасл” ва “Вест Бромвич” клубларининг собиқ устози шу йил бошида фаолиятини якунлаганига қарамай, “яшиллар” бош мураббийига айланади.

Қайд этилишича, терма жамоанинг амалдаги бош мураббийи Стивен Кенни Евро-2024 саралаш босқичи якунига қадар терма жамоани бошқаришда қолади. Бироқ, унинг терма жамоадаги фаолияти 2023 йилнинг ноябрида тугайди, чунки Кенни бўлажак Европа чемпионатига чиқа олмади.

Эслатиб ўтамиз, Франция, Нидерландия, Греция ва Гибралтар билан гуруҳда ирландлар бешта ўйиндан сўнг бор-йўғи уч очко билан тўртинчи ўринда бормоқда.