"Барселона" бош мураббий Тито Виланова "Реал" бош мураббийи Жозе Моуриньонинг ўтган йилги жумлаларидан хафа эмаслигини маълум қилди, дея хабар беради испан ОАВ.
Виланова бу фикрни Испания чемпионати 14-турида "Реал"-"Атлетико" ўйинидаги воқеадан сўнг билдирди. Ўйин вақтида Моуриньо ва "Атлетико" ёрдамчи мураббийи Ҳерман Бургос ўртасида низо чиққан эди. Бургос Моуриньога "Бошингни узиб оламан", деган бўлса, Моуриньо ўйиндан сўнг ҳеч қандай Бургосни танимаслигини айтган эди.
Ўтган мавсумда Моуриньо шунга ўхшаган гапларни Виланова шаънига ҳам айтган эди. Бир ўйиндаги низодан сўнг Моуриньо: "Ким у, Пито Виланова?" деган жумлани ишлатган эди.
"Моуриньонинг мени танимаслигини айтганидан хафа бўлмаган эдим", - дейди Виланова сўнгги матбуот анжуманида.