"Реал Мадрид" бир вақтнинг ўзида иккита ёш ўйинчи билан шартнома имзолашга яқин турибди.
Гап "Лилл"нинг 18 ёшли марказий ҳимоячиси Лени Йоро ва "Ривер Плейт"нинг 16 ёшли ҳужумкор ярим ҳимоячиси Франко Мастантуоно ҳақида кетмоқда.
Cadena SER хабарига кўра, ҳар икки футболчи ҳам "Реал Мадрид"га ўтишга қарор қилишган, гарчи уларга бошқа Европа гигантлари ҳам қизиқиш билдиришган эди.
"Реал Мадрид" ҳозирча ҳар икки футболчининг клублари билан келишувга эришгани йўқ. Йоронинг трансфер нархи 50 миллион евро атрофида бўлиши мумкин, Мастантуоно масаласида эса мадридликлар 40 миллион евродан кўпроқ пул тўлаши кутилмоқда.
