Испания терма жамоаси бош мураббийи Висенте дель Боске "Реал" бош мураббийи Жозе Моуриньонинг сўзларига жавобан фикр билдирди, дея хабар беради испан матбуоти.
Гап шундаки, португалиялик мураббийга йилнинг энг яхши мураббий унвони ҳақида савол берилганда бу унвонга уч киши: унинг ўзи, Гвардиола ва Дель Боскени лойиқ деб билган эди. Қўшимчасига қуйидаги сўзларни айтган эди:
"Бу масала устида бош қотиришга менинг вақтим йўқ. Дель Боске уч ойлик таътилда, унинг биринчи ўйини феврал ойида бўлади. Гвардиола ҳам таътилда, унда ҳам бу масала ҳақида ўйлашга вақт бор".
Бунга жавобан Дель Боске шундай деди: "Мен ҳар куни соат 09.00дан кейин ишга киришаман. Моуриньонинг сўзларини баҳолай олмайман. Ҳамма ўз билагнидай фикрласин. Моуриньонинг сўзлари менда кулгу уйғотади, ҳақиқатдан ҳам февральгача терма жамоанинг ўйини йўқ".