"Болонья" бош мураббийи Тиаго Мотта ҳозирги жамоаси билан ишлашда давом этиши мумкин.

Инсайдер Николо Скиранинг сўзларига кўра, томонлар 2025 йилнинг ёзига қадар амалда бўладиган янги шартнома бўйича музокаралар олиб боришмоқда, у яна бир мавсумга узайтириш имконияти билан. Амалдаги шартнома муддати 2024 йилнинг июнида тугайди.

Мотта ўтган йилнинг сентябрь ойидан бери "Болонья"ни бошқариб келмоқда. Ўтган мавсумни унинг қўл остидаги жамоа 9-ўринда якунлаганди. Мотта жамоаси жорий мавсумда уч турдан кейин мана шундай ўринни эгаллаб турибди.

41 ёшли италиялик мураббийлик фаолияти давомида "ПСЖ U-19", "Женоа" ва "Специя" клубларини ҳам бошқарган.