"Бавария" яримҳимоячиси Арьен Роббеннинг жисмоний ҳолати ва соғлигидаги муаммолар уни ташвишга солмоқда, дея хабар беради немис матбуоти.
Эслаиб ўтамиз, голландиялик футболчи оёқ мушакларидан жароҳат олган эди. Бу жароҳатдан қутулиб, умумий гуруҳда шуғуллана бошлаган эди. Аммо унинг янги муаммолари туғилди.
"Оёғимдан олган жароҳатим тузалди, ундан сўнг тикландим. Гап шундаки белим менга янги муаммолар тайёрлаяпти. Бир ҳафтадирки, белимда оғриқ пайдо бўлди ва оғриқ ўнг оёғимда ҳам бор. Билмадим, бу мавсумда майдонга туша оламанми, йўқми? Шифокорлар билан буни бартараф этишга ҳаракат қиламиз", - дейди Роббен.
