30 ёшли испаниялик ҳужумчи Пако Алькасер бир йиллик ижара эвазига БАА олий дивизиони жамоаси «Эмирейтс»га ўтди. Бу ҳақда клуб матбуот хизмати хабар бермоқда.

Эслатиб ўтамиз, ўтган мавсумдан бошлаб машҳур форвард Амирликларнинг бошқа бир клуби – «Шаржа»да ўйнашга қарор қилганди.

У билан шартнома 2025 йилнинг ўрталарига қадар тузилган эди. Илгари Алькасер «Валенсия», «Барселона», «Боруссия Дортмунд» ва «Вильярреал» ҳужумчиси сифатида танилган эди.

Эслатиб ўтамиз, «Барселона» афсонаси Андрес Иньеста ўтган ёздан бери Алькасернинг янги жамоасида тўп тепмоқда.