"Манчестер Юнайтед" бош мураббийи Эрик тен Хаг жамоанинг жорий мавсумдаги муваффақиятидан қониқиш ҳосил қилганини айтди.
Премьер-лиганинг янги мавсумида тўрт туридан сўнг, "қизил иблислар" 6 очко билан 11-поғонада бормоқда. Шанба куни тен Хаг жамоаси "Брайтон"ни қабул қилади.
“Ўз тажрибамдан шуни айтишим мумкинки, мавсумнинг биринчи ярми ҳар доим очколар йиғиш учун қийин кураш бўлади. Лекин энг муҳими, жамоанинг тараққиёти, бу майдонда яққол намоён бўлиши керак ва буни албатта кўриш мумкин. Биз яхшиланмоқдамиз ва бу менга ишонч бағишлайди”, - деди нидерландиялик мутахассис 5-тур учрашуви олдидан ўтказилган матбуот анжуманида.
