"Manchester Yunayted" bosh murabbiyi Erik ten Xag jamoaning joriy mavsumdagi muvaffaqiyatidan qoniqish hosil qilganini aytdi.
Premyer-liganing yangi mavsumida to‘rt turidan so‘ng, "qizil iblislar" 6 ochko bilan 11-pog‘onada bormoqda. Shanba kuni ten Xag jamoasi "Brayton"ni qabul qiladi.
“O‘z tajribamdan shuni aytishim mumkinki, mavsumning birinchi yarmi har doim ochkolar yig‘ish uchun qiyin kurash bo‘ladi. Lekin eng muhimi, jamoaning taraqqiyoti, bu maydonda yaqqol namoyon bo‘lishi kerak va buni albatta ko‘rish mumkin. Biz yaxshilanmoqdamiz va bu menga ishonch bag‘ishlaydi”, - dedi niderlandiyalik mutaxassis 5-tur uchrashuvi oldidan o‘tkazilgan matbuot anjumanida.
