"Ноттингем Форест" "Манчестер Юнайтед" вингери Жэйдон Санчони ўз сафига қўшиб олмоқчи.
23 ёшли футболчини бош мураббий Эрик тен Хаг "қизил иблислар"нинг асосий таркибидан чиқариб ташлади. Англиялик футболчи қишки трансфер ойнасида клубни тарк этиши мумкин, миш-мишларга кўра, даъвогарлар орасида "Астон Вилла", "Барселона" ва "Боруссия Дортмунд" ҳам бор. Fichajes хабарига кўра, Санчога "Ноттингем Форест" ҳам қизиқиш билдирмоқда. "Ўрмончилар" инглизни январь ойида ўз сафларига жалб қилишга қарор қилишди.
Transfermarkt портали Жэйдон Санчонинг нархини 45 миллион еврога баҳоламоқда. Унинг амалдаги шартномаси 2026 йилгача мўлжалланган.