"Рома" бош мураббийи Жозе Моуриньо А Сериянинг 4-тури доирасидаги "Эмполи" устидан қозонилган ғалаба (7:0) ҳақида фикр билдирди.
"Яхши ўйин, лекин 7:0 эмас. Биз ғалаба қозонишни, қулай ҳисобда ғалаба қозонишни хоҳладик. Кўтарилишлар ва пасайишлар бор эди, шу жумладан жисмоний тайёргарлик нуқтаи назаридан, шунинг учун ҳамма ҳам юқори интенсивликда 90 дақиқа ўйнашга тайёр эмас эди.
"Эмполи"га ачинаман, лекин бу футбол. Баъзида 7:0 бўлади. Аммо жамоамнинг ўйинидаги баъзи нарсалар менга ҳали ҳам ёқмади, мураббийлар билан биргаликда ҳаммасини кейинроқ батафсил таҳлил қиламиз.
Матбуот қандай ишлашини ва баъзи мухлисларга қандай таъсир қилишини тушунаман. Ўйлайманки, биз сўнгги ҳафталарда ўзимизга хос бўлган жамоа бўлдик, мен ўтган ҳафта улар айтганидек даҳшатли мураббий бўлганман деб ўйламайман. Ҳозир эса биз ажойиб жамоага айланганимиз йўқ. Биз потенциалга эга жамоамиз ва мақсадимиз ўйиндан-ўйинга олинга бориш ва ғалаба қозониш.
Мен учун Лукакунинг гол уриши муҳим эмасди. Балки бу унинг учун муҳимдир, мен ҳужумчилар гол учун яшашини биламан. Трансфердан кейин у ўзини жамоага тўлиқ бағишлади, шунинг учун у гол уриши ёки урмаслиги муҳим эмас. Албатта, голдан кейин у ўзини бахтлироқ ҳис қилади, бу унинг учун идеал ҳолат", - деди Моуриньо Football Italia билан суҳбатда.
