Ўзбекистон U-19 қизлар терма жамоаси Осиё чемпионати саралаш босқичини йирик ҳисобдаги мағлубият билан якунлади.

U-19 қизлар Осиё чемпионати-2013 саралаш 2-гуруҳ босқичи баҳслари якунига етди. 2-гуруҳ босқичининг сўнгги тур ўйинларида Ольга Ким қўл остидаги Ўзбекистон терма жамоаси футболчи қизлари саралаш фаворитларидан бири – Таиланд терма жамоасига қарши майдонга тушди. Ўйин 3:0 ҳисобида таиландлик қизлар фойдасига ҳал бўлди.

Ўзбекистон U-19 қизлар терма жамоаси бунгача Эрон терма жамоаси билан 1:1 ҳисобида дуранг ўйнаган бўлса, Иордания терма жамоасига сўнгги дақиқаларда имкониятни бой берганди.

«А» гуруҳида ғолиблик Таиланд терма жамоасига насиб этган бўлса, «В» гуруҳида Мьянма терма жамоасига тенг келадиган жамоа топилмади. Энди ҳар иккала жамоа Осиё чемпионатига бериладиган ягона йўлланма учун 9 декабрь куни майдонга тушишади.

2013 йилги U-19 қизлар ўртасидаги Осиё чемпионати финал босқичида олти жамоа иштирок этади. Мусобақанинг дастлабки беш иштирокчиси 2011 йилги чемпионат якунига кўра аниқланган: 1-5 ўринларни эгаллаган термалар – Япония, Шимолий Корея, Хитой, Жанубий Корея ва Австралия автоматик тарзда финал босқичи йўлланмасини қўлга киритган.

U-19 қизлар Осиё чемпионати-2013 саралаш, 2-гуруҳ босқичи
«В» гуруҳи, 3-тур учрашувлари
ТАИЛАНД – ЎЗБЕКИСТОН 3:0 (2:0)
ГОЛЛАР: Алиса Рукпиниж (22, 24), Орапин Ваеннгоен (55).
ОГОҲЛАНТИРИШЛАР: Аморнрат Утчаи (83) – Мафтуна Бахтиёрова (78).
ТАИЛАНД: Виенгпрати Нариссара, Чучуен Сударат, Аморнрат Утчаи, Орнума, Канчанапорн Саенкхун, Силаван Интами, Мутита Сенкрам, Бунтан Анонгнат (Опарин Ваеннгоен, 34), Алиса Рукпиниж (Кантика Чудет, 79), Анужта Сримас (Нипаван Панйосук, 60), Сиринтип Тонгмаи.
ЎЗБЕКИСТОН: Ҳурматой Раҳматуллаев, Улдона Тўхтаева, Феруза Турдибоева, Гулсара Ҳақбердиева, Селиме Гугуева (Юлдуз Шодиева, 88), Ильвина Абльякимова, Азиза Норова (Айнур Даулбаева, 85), Мафтуна Бахтиёрова, Наргиза Сайдалиева, Иродахон Турдиалиева, Зиёдахон Туланбоева (Юлдуз Набиева, 26).
БОШ ҲАКАМ: Чин Лианг (Хитой).
Хошимин, «Тонг Нат» стадиони. 100 томошабин.