"Ньюкасл" ярим ҳимоячиси Сандро Тонали "Милан" устози Стефано Пиоли билан учрашуви ҳақида гапирди.
23 ёшли футболчи "россонерилар"да Пиоли қўл остида ўйнаган ва сўнгги трансфер ойнасида у "Ньюкасл"га ўтган. Сешанба куни Тонали "қарғалар" сафида собиқ жамоаси билан тўқнаш келади.
"Бир неча ойдан сўнг яна учрашиш ёқимли бўлди", - дейди ярим ҳимоячи "Милан"нинг машғулот майдонига ташрифи ҳақида. - Биз футболдан бошқа ҳамма нарса ҳақида гаплашдик ва ўша 15 дақиқани дўст сифатида ўтказдик. Бу жуда зўр бўлди".
Сандро Тонали "Милан" сафида 130 та ўйин ўтказган. Унинг трансфери "Ньюкасл"га бонусларни ҳисобга олмаганда 64 миллион еврога тушди.
