Самир Насри Поль Погбанинг дисквалификацияси ҳақида гапирди.

«Ювентус» ярим ҳимоячиси тестостерон учун допинг тестидан ижобий ўтди. «Футболчилар шифокорлардан фарқли ўлароқ, барча дориларни яхши билишмайди ёки унинг шифокори етарли малакага эга бўлмаслиги мумкин. Бу ерда Погба айбдор ёки йўқлигини билмайман. У нима ҳақида ўйлагани ва шифокордан нимани сўраганидан ҳам хабарим йўқ.

Менимча, у тўрт йилга дисквалификация қилинмайди. Аммо агар у бир мавсумга дисквалификация қилинса, бир неча ой давомида ҳаттоки клуб базасида ҳам машғулот ўтказа олмайди.

Шунда энг юқори даражадаги мартаба ҳақида унутиш мумкин», - деди Франция терма жамоасининг собиқ футболчиси.