"Манчестер Юнайтед" ҳимоячиси Виктор Линделоф ЕЧЛ гуруҳ босқичи 1-тури доирасидаги "Бавария"га қарши ўйин ҳақида гапирди. Манкунианликлар 3:4 ҳисобида мағлуб бўлишди.
“Биз ўйинни яхши бошладик, аммо кейин хато қила бошладик. Бу жамоа интилаётган натижа эмаслиги аниқ. "Манчестер Юнайтед" қўлидан келган барча ишни қилишга уриниб, учта гол уришга муваффақ бўлди, аммо бу етарли бўлмади. Биз зўр ўйинчиларга эга кучли рақибга қарши ўйнадик", - деди Линделёф.
Чемпионлар лигасининг навбатдаги ўйинида “Манчестер Юнайтед” ўз майдонида Истанбулнинг “Галатасарой” жамоасини қабул қилади.
