"Манчестер Сити" бош мураббийи Пеп Гвардиола Жереми Докунинг қобилиятлари ҳақида гапирди.
"Сити" август ойида 21 ёшли вингерни "Ренн"дан 60 миллион еврога сотиб олганди. АПЛнинг сўнгги туридан ўрин олган “Вест Хэм”га қарши ўйинда (3:1) бельгиялик футболчи янги жамоаси сафидаги илк голини урди.
"Жереми жуда яхши мослашмоқда, у ажойиб йигит. Унинг ўзига хос маҳорати бор, у майдоннинг қолган учдан бир қисмида жуда хавфли ва биз бундан унумли фойдаланишга ҳаракат қиламиз. Доку жуда тезкор ўйинчи, у қисқа масофаларни тез босиб ўтади, у Лерой [Сане] ва Раҳим [Стерлинг]га жуда ўхшайди", - деди Гвардиола.
Шанба куни “Манчестер Сити” ўз майдонида “Ноттингем Форест”га қарши баҳс олиб боради. Учрашув Тошкент вақти билан соат 19:00да бошланади.