«Монако» жамоаси бош мураббийи Ади Хюттер Франция чемпионатининг 6-тури доирасидаги «Ницца»дан учралган мағлубият ҳақида гапирди.

Монаколиклар ўйин якунида ягона гол ўтказиб юбориб, минимал 0:1 ҳисобида мағлуб бўлишди.

«Биз натижадан хафамиз. Ҳеч бўлмаганда дуранг ўйнашимиз керак эди. Жамоа иккита пенальтини амалга ошира олмаганидан хафа.

Ҳеч бўлмаганда 0:0 ҳисобини сақлаб қолишимиз керак эди, бироқ рақиб ўйин охирида гол уришга муваффақ бўлди. Кўпчилик «Монако»ни топ жамоа деб ўйлай бошлади, биз эса оддий жамоамиз. Биз ҳали кўп ишлашимиз керак, - дейди мутахассис.