"Манчестер Сити" бош мураббийи Пеп Гвардиола "Арсенал" ярим ҳимоячиси Мартин Эдегор ҳақида фикр билдирди.

24 ёшли норвегиялик яқинда "канонирлар" билан янги шартнома имзолади.

Журналистлар “шаҳарликлар” бош мураббийидан чемпионлик учун курашаётган рақиб сафидаги муҳим янгиликларга изоҳ беришни сўрашди: “Эдегор – ажойиб футболчи. У "Арсенал"да яхши жойлашди ва сардор бўлди, чунки у доимий равишда яхши ўйнайди ва майдондан ташқарида муҳим. У Артетанинг футболига жуда мос тушади. Ҳақиқатан ҳам ажойиб футболчи", - дея Гвардиола сўзларини келтирмоқда BeanymanSports.

“Манчестер Сити” шанба куни “Ноттингем Форест”ни қабул қилса, якшанба куни “Арсенал” ўз майдонида “Тоттенхэм”ни меҳмон қилади.