"Барселона" футболчиси Жоау Канселу орзуси ушалгани ҳақида гапирди.
29 ёшли футболчи сентябрь ойи бошидан буён каталонияликлар клубида "Манчестер Сити"дан ижара асосида тўп тепмоқда. Португалиялик аввалдан "кўк-анорранглилар" сафига қўшилишни чин дилдан хоҳлаганини тан олди.
"Бу мен учун орзу", - дейди Канселу. - Мен "Барселона"ни 2009 йилда кўрганман - футбол тарихидаги энг яхши жамоа, ҳозир ўзим ҳам шу клубда ўйнаяпман. Бу ақл бовар қилмайдиган нарса, мен бунга ҳали ҳам ишонмаяпман", - дея ўнг қанот ҳимоячиси сўзларини келтиради Barca Universal.
Жоау Канселу "Барселона"га "Сельта" устидан ғалаба қозонишда ёрдам берди (3:2), голли узатмани амалга оширди ва гол урди.
