Амстердамнинг "Аякс" клуби ўз мухлисларининг "Фейеноорд" билан Нидерландия чемпионати 6-тур учрашувининг бузилишига олиб келган хатти-ҳаракатларига изоҳ берди.

"Аякс" директорлар кенгаши ва кузатув кенгаши якшанба куни "Фейеноорд" билан ўйиннинг тўхтатилишига олиб келган нотўғри хатти-ҳаракатлардан қайғуда. Бу хатти-ҳаракат "Аякс" учун одатий эмас. Мавсумнинг ёмон бошланишидан умидсизликни тушуниш мумкин, аммо бу ҳеч қачон бундай нарсага сабаб бўлмаслиги керак. Ушбу ҳодиса туфайли ўзини хавфли ҳис қилган ёки жабрланган барчалардан узр сўраймиз", — дейилади “Аякс” расмий сайтида чоп этилган баёнотда.

Эслатиб ўтамиз, Нидерландия чемпионатининг 6-туридан ўрин олган “Аякс” – “Фейеноорд” ўртасидаги Амстердамдаги “Йохан Кройф Арена”да бўлиб ўтган учрашув 55-дақиқада ўйин тўхтатилган эди. 0:3 ҳисобида ортда бораётган мезбонлар мухлислари майдонга петарда улоқтирганидан кейин ҳакам жамоаларни майдондан олиб чиқди.
​