Amsterdamning "Ayaks" klubi o‘z muxlislarining "Feyenoord" bilan Niderlandiya chempionati 6-tur uchrashuvining buzilishiga olib kelgan xatti-harakatlariga izoh berdi.

"Ayaks" direktorlar kengashi va kuzatuv kengashi yakshanba kuni "Feyenoord" bilan o‘yinning to‘xtatilishiga olib kelgan noto‘g‘ri xatti-harakatlardan qayg‘uda. Bu xatti-harakat "Ayaks" uchun odatiy emas. Mavsumning yomon boshlanishidan umidsizlikni tushunish mumkin, ammo bu hech qachon bunday narsaga sabab bo‘lmasligi kerak. Ushbu hodisa tufayli o‘zini xavfli his qilgan yoki jabrlangan barchalardan uzr so‘raymiz", — deyiladi “Ayaks” rasmiy saytida chop etilgan bayonotda.

Eslatib o‘tamiz, Niderlandiya chempionatining 6-turidan o‘rin olgan “Ayaks” – “Feyenoord” o‘rtasidagi Amsterdamdagi “Yoxan Kroyf Arena”da bo‘lib o‘tgan uchrashuv 55-daqiqada o‘yin to‘xtatilgan edi. 0:3 hisobida ortda borayotgan mezbonlar muxlislari maydonga petarda uloqtirganidan keyin hakam jamoalarni maydondan olib chiqdi.
​