«Севилья» мавсумни ёмон бошлади ва қишки трансфер ойнаси учун янги футболчиларни қидирмоқда.
El Sevillista хабарига кўра, Андалусия клуби «Вест Хэм»дан ҳужумкор ярим ҳимоячи Пабло Форнальсни сотиб олмоқчи.
Форнальснинг амалдаги шартномаси 2024 йилнинг июнь ойи охиригача амал қилади. Бундай вазиятда «Вест Хэм» 27 ёшли футболчини олти ой ичида текинга йўқотиб қўймаслик учун уни январда сотиши фойдалироқ бўларди.
Қайд этиш керакки, Пабло Форнальсни нуфузли Transfermarkt портали мутахассислари 22 миллион еврога баҳоламоқда.
2023/2024 йилги мавсумда испаниялик олтита ўйин ўтказди ва уларда самарасиз ҳаракат кўрсатди.
